Bakıda voleybol üzrə “Gənc atletlərin inkişafı” layihəsi çərçivəsində ilk seminar keçirilib
24 fevral 2024 172
Bakıda Beynəlxalq Olimpiya Komitəsinin (BOK) Olimpiya Həmrəyliyi Fondunun dəstəyi, Milli Olimpiya Komitəsi (MOK) və Azərbaycan Voleybol Federasiyasının (AVF) birgə təşkilatçılığı ilə “Gənc atletlərin inkişafı” layihəsi çərçivəsində ilk seminar keçirilib.
Bu gün Gənclər və İdman Nazirliyinin Voleybol Mərkəzində və Azərbaycan Voleybol Federasiyasının idman zalında təşkil olunan seminarda paytaxt və bölgələrdə çalışan 40-dan çox məşqçi-müəllim iştirak edib.
Nəzəri və praktik hissədən ibarət olan seminarın əsas eksperti, Atletika Federasiyasının baş məşqçisi Hakim İbrahimov, voleybol məşqçiləri Cengiz Akarçeşme, Şahin Çatma və Cahangir Abbasi öz təcrübələrini iştirakçılarla bölüşüblər.
Seminarda aşağı yaş qruplarında düzgün məşq prosesinin aparılma qaydaları, uşaqların fiziki hazırlığı üçün görülməli olan işlərdən danışılıb. Həmçinin seçimlər zamanı daha çox diqqət yetirilməli məqamlar haqqında da məlumat verilib.
Qeyd olunan məsələlərlə bağlı ilk olaraq nəzəri hissədə və daha sonra isə məşq prosesində ətraflı məlumat verilib.
Sonda iştirakçılara sertifikatlar təqdim edilib.
Bənzər xəbərlər
Olimpiya məşəli Yunanıstandan Fransaya yola düşüb
Paris-2024 Yay Olimpiya Oyunlarının məşəli üç yelkənli qədim gəmi ilə ... Ətraflı
Avarçəkənimiz Paris-2024 Yay Olimpiya Oyunlarına lisenziya qazandı
Akademik avarçəkmə üzrə yığma komandamızın üzvü Diana Dımçenko Paris-2024 Yay ... Ətraflı