4-5 iyun tarixlərində Kiprdə baş tutacaq Avropa çempionatının seçmə mərhələsinə hazırlaşan yığmamızın heyətinə legioner həyatı yaşayan basketbolçularımız da qoşulub. Bunlar Türkiyənin "Qaziantep" klubunun kapitanı Orxan Aydın və İspaniyanın "Mursiya" komandasının üzvü Cordan Deyvisdir. Onu da qeyd edək ki,  kişilərdən ibarət əsas komandamıza yeni təyin olunmuş baş məşqçi Aleksandar Trifunoviç də  toplanışı izləmək üçün Serbiyaya səfər edib. Mütəxəssis burada millinin üzvləri ilə tanış olub. Trifunoviç basketbolçularla əsas milli komandanın qarşıdakı təlim-məşq toplanışları barəsində söhbət apararaq, onlara Avropa çempionatının seçmə mərhələsində uğurlar arzulayıb.