Boksçularımızın Anapa sınağı
19 sentyabr 2023 78

Sentyabrın 21-25-də Rysiyanın Anapa şəhərində bosk üzrə Nikolay Pavlyukovun xatirəsinə həsr olunmuş beynəlxalq turnir keçiriləcək. Yarışda
iyirmi iki yaşadək kişi və qadın boksçulardan ibarət Azərbaycan milli komandaları da mübarizə aparacaqlar.
Kişi boksçuların yarışında məşqçilər Elbrus Rzayev və Ravşan Xocayevin rəhbərliyi altında 10 boksçu qüvvəsini sınayacaq. Rusiyada ölkəmizi Tural Sarıyev (48 kq), Həsən Məlikov (51 kq), Nicat Hüseynov (54 kq), Əzrək Bəbirov (57 kq), Maqsud Xasmetov (60 kq), Cəlal Qurbanov (63,5 kq), İlqar Salahov (67 kq), Rəşid Həsənov (71 kq), Murad Allahverdiyev (80 kq) və Rəşid Məmmədov (86 kq) təmsil edəcəklər.
Qadınlardan ibarət yığmanın baş məşqçisi Yadigar Məmmədov isə turnirdə Mehparə Məmmədova (48 kiloqram), Marjona Savriyeva (50 kiloqram), Zeynəb Rəhimova (54 kiloqram) və Lalə Namazlını (63 kiloqram) sınayacaq.
Azərbaycanı yarışda beynəlxalq dərəcəli referi Emil Qurbanəliyev də təmsil edəcək.
Yığma komandalarımız sentyabrın 26-da Bakıya qayıdacaqlar.
Qeyd edək ki, yarış U-22-lər arasında Avropa çempionatına hazırlıq xarakteri daşıyır.
Bənzər xəbərlər

Üç güləşçimiz Paris-2024-ə lisenziya qazandı
Yığma komandamız Belqradda birinci oldu
Serbiyanın paytaxtı Belqradda keçirilən güləş üzrə ... Ətraflı

“Böyük dəbilqə” turniri 5 medalla yadda qaldı
Sentyabrın 22-24-də paytaxtımız daha bir beynəlxalq yarışa - ümummilli lider ... Ətraflı