Bu gün Füzulidə "Mingəçevir Reqatası-2024"ün rəsmi açılış mərasimi keçiriləcək
17 oktyabr 2024 718
Bu gün avarçəkmə üzrə təşkil olunan "Mingəçevir Reqatası-2024"ün rəsmi açılış mərasimi keçiriləcək.
Yarışın açılış mərasimi Füzuli şəhərinin işğaldan azad olunması günü ilə əlaqədar olaraq Füzulidə, Aşağı Köndələnçay su anbarında təşkil olunacaq.
Açılış mərasimindən sonra ikinci yarış gününə start veriləcək.
Qeyd edək ki, beynəlxalq reqatada Azərbaycanla yanaşı, Estoniya, Gürcüstan, İtaliya, Macarıstan, Qazaxıstan, Litva, Moldova, Polşa, Türkiyə, Ukrayna və Özbəkistanı təmsil edən 100-dək idmançı mübarizə aparır.
Xatırladaq ki, Mingəçevirdəki “Kür” Olimpiya Tədris-İdman Mərkəzində start götürən reqatanın ilk günündə Azərbaycan təmsilçiləri 2 qızıl, 3 gümüş, 4 bürünc medal qazanıblar.
Beynəlxalq reqataya oktyabrın 18-də Mingəçevirdə yekun vurulacaq.
Bənzər xəbərlər
Avropa çempionatı: Azərbaycanın bir boksçusu finala yüksəlib, digəri bürünc medal qazanıb
Azərbaycan boksçusu Sübhan Mamedov Macarıstanın paytaxtı Budapeştdə keçirilən U-23 Avropa ... Ətraflı
Eduard Məmmədov 10-cu dəfə dünya çempionu olub
Birləşmiş Ərəb Əmirliklərinin Əbu-Dabi şəhərində kikboksinqin WAKO versiyası üzrə dünya ... Ətraflı