Bu gün qadın voleybolçular arasında Azərbaycan Yüksək Liqasında V turun oyunları keçirilib
06 fevral 2023 271
Turun hər iki matçı bu gün Türkiyədə baş vermiş zəlzələ nəticəsində həlak olanların xatirəsinin bir dəqiqəlik sükutla yad edilməsi ilə start götürüb.
Voleybol Mərkəzində təşkil olunan V turun ilk qarşılaşmasında “Azərreyl” klubu “Abşeron”la üz-üzə gəlib. I dövrədə “Abşeron”u üstələyən “Azərreyl” ikinci görüşdən məğlub ayrılıb.
İlk setdə 25:21 hesabı ilə qalib gələn Famil Ağayevin komandası sonrakı hissələri də aktivinə yazıb - 26:24, 25:17. Nəticədə “Abşeron” 3 xalı 3:0 hesablı qələbə ilə əldə edib.
Günün son matçında isə “Murov” və UNEC kollektivləri qarşılaşıblar. Bu görüşdə də qalib 3 setdə müəyyən olub. Vüqar Əliyevin komandası matçdan asan qələbə ilə ayrılıb. “Murov” ilk hissəni 25:09, sonrakı setləri isə 25:23 və 25:11 hesabları ilə qazanıb.
Beləliklə, V turdan sonra lider “Azərreyl”in 11 xalı, “Murov”un 10, “Abşeron”un 9 xalı var. Turnir cədvəlində sonuncu pillədə olan UNEC-in isə xalı yoxdur.
V tur
“Azərreyl” - “Abşeron” 0:3 (21:25, 24:26, 17:25)
“Murov” - UNEC 3:0 (25:09, 25:23, 25:11)
Bənzər xəbərlər
Avropa çempionatı: ilk yarış günündə 7 cüdoçumuz tatami üzərinə çıxacaq
Bu gün Xorvatiyanın paytaxtı Zaqrebdə cüdo üzrə böyüklər arasında Avropa ... Ətraflı
Akrobatika gimnastikası üzrə ölkə birinciliyi və Bakı çempionatı start götürüb
Akrobatika gimnastikası üzrə 29-cu Azərbaycan birinciliyi və Bakı çempionatı start ... Ətraflı