Budapeşt yeni Olimpiya təşəbbüsünün həyata keçirildiyi məkana çevriləcək
30 aprel 2024 105
İyunun 20-dən 23-dək Budapeştdə BMX-fristayl, küçə və park skeytbordinqi, breykinq, eləcə də, boulderinq, sürətli və idman qayayadırmanması üzrə ən yaxşı idmançılar birinci Olimpiya təsnifat seriyası çərçivəsində yarışacaqlar.
Bu tədbir Beynəlxalq Olimpiya Komitəsinin yeni təşəbbüsünün bir hissəsinə çevriləcək.
İlk dəfə təşkil olunacaq dünya yarışması Macarıstanda Tədbirlərin Təşkili üzrə Agentlik və Olimpiya Komitəsi tərəfindən Müdafiə Nazirliyinin idman üzrə dövlət katibliyinin və milli federasiyaların iştirakı ilə hazırlanıb.
İki mərhələdən ibarət olan birinci tur mayın 16-19-da Şanxayda, ikinci tur Budapeştdə keçiriləcək. İştirakçılar builki Yay Olimpiya Oyunlarına vəsiqə qazanmaq üçün hər iki yarışda yaxşı çıxış etməlidirlər.
Macarıstan Olimpiya Komitəsinin prezidenti Jolt Dülay macar idmançıların iştirakını alqışlayıb.
“Olimpiya təsnifat seriyası macar idmançıları üçün bu yeni idman növlərində öz bacarıqlarını nümayiş etdirməkdə gözəl fürsətdir”, - deyə o vurğulayıb.
Bənzər xəbərlər
Bakıda güləş üzrə Avropa çempionatının açılış mərasimi keçirilib
Bakıda güləş üzrə U-23 Avropa çempionatının açılış mərasimi keçirilib.
Bakı İdman ... Ətraflı
İmkanlı azarkeşlər üçün Olimpiada fərqli olacaq
Onlara Parisdə xüsusi münasibət göstəriləcək
Britaniyanın “The Guardian” nəşri Paris-2024 Yay ... Ətraflı