Cüdoçularımız Böyük Dəbilqə turnirinin ikinci günü 3 medalla başa vurdular
10 iyul 2022 508
Macarıstanın paytaxtı Budapeştdə keçirilən cüdo üzrə Böyük dəbilqə turnirinin ikinci günündə tatamiyə çıxan 4 cüdoçumuzdan 3-ü medal qazanıb.
Belə ki, -73 kq. çəki dərəcəsində yarışan cüdoçumuz Hidayət Heydərov bütün rəqiblərinə qalib gəlib. O, final görüşündə də Gürcüstan təmsilçisi, olimpiya, dünya və Avropa çempionu Laşa Şavdatuaşvilini "vaza-ari" ilə məğlub edərək, qızıl medala sahiblənib.
Eyni çəki dərəcəsində yarışan digər cüdoçumuz Rüstəm Orucov isə üçüncü yer uğrunda mübarizədə Kuba təmsilçisi Maqdiel Estradanı üstələyərək bürünc medala yiyələnib.
-81 kq. çəkidə mübarizə aparan cüdoçumuz Səid Mollayi finalda braziliyalı Qilerme Şmitlə qarşılaşıb və komandanın aktivinə gümüş medal qazandırıb.
İdmançılarımızın uğurlu çıxışı sayəsində iki günün nəticələrinə görə, Azərbaycan milli yığma komandası kişilər arasında birinci yerə, ümumi komanda hesabında isə Yaponiyadan sonra ikinci yerdə qərarlaşıb.
Bənzər xəbərlər
MOK və “Visa” şirkəti arasında tərəfdaşlığa həsr olunmuş mətbuat konfransı keçirilib
Azərbaycan Milli Olimpiya Komitəsi (MOK) və rəqəmsal ödəmələrdə dünya lideri ... Ətraflı
AGF Baham adaları Gimnastika Federasiyası ilə anlaşma memorandumu imzalayıb
Baham adaları və Azərbaycan Gimnastika Federasiyaları (AGF) arasında anlaşma memorandumu ... Ətraflı