Xəbərlər

Dünya çempionatı: Erməniyə qalib gələrək finala çıxan Azərbaycan güləşçisi Olimpiadaya lisenziya qazanıb

23 sentyabr 2023 258

Azərbaycanın iki yunan-Roma güləşçisi Serbiyanın paytaxtı Belqradda keçirilən dünya çempionatında finala yüksəlib.

63 kiloqram çəki dərəcəsində çıxış edən Həsrət Cəfərov və 67 kiloqramda yarışan Murad Məmmədov mundialın həlledici qarşılaşmalarına vəsiqə əldə ediblər.

Yarımfinalda M. Məmmədov Serbiya təmsilçisi Giorgi Tibilova 4:1, H. Cəfərov isə ermənistanlı Slavik Qalstyana 3:2 hesabı ilə qalib gəlib.

Qeyd edək ki, Həsrət Cəfərov finala çıxmaqla həm də "Paris-2024" Yay Olimpiya Oyunlarına lisenziya qazanıb.