Elşad Nərimanova həsr olunmuş tədbir keçirilib.

29 dekabr 2021 1653

Dekabrın 29-da Əməkdar bədən tərbiyəsi və idman xadimi, Əməkdar məşqçi, beynəlxalq dərəcəli hakim, Azərbaycan Respublikası Prezidentinin fərdi təqaüdçüsü Elşad Nərimanovun 80 illik yubileyi və idman fəaliyyətinin 70 illiyinə həsr olunmuş tədbir keçirilib.

Azərbaycan Dövlət Bədən Tərbiyəsi və İdman Akademiyasının akt zalında keçirilən mərasimdə gənclər və idman naziri Fərid Qayıbov, nazir müavini Mariana Vasileva, Azərbaycan Dövlət Bədən Tərbiyəsi və İdman Akademiyasının rektoru Fuad Hacıyev, Milli Olimpiya Komitəsinin vitse-prezidenti Zemfira Meftəhəddinova və digər rəsmi şəxslər iştirak ediblər.

Tədbirdə çıxış edənlər yubilyarı təbrik edib, bundan sonrakı fəaliyyətində də uğurlar arzulayıblar. Sonda B.Nərimanov 70 illik idman fəaliyyətinə verilən yüksək dəyərə görə hər kəsə təşəkkürünü bildirib.