Dekabrın 6-dan 8-dək Danimarkanın Brondbü şəhərində Danimarka Badminton Federasiyası ilə əməkdaşlıq çərçivəsində Avropa Badminton Konfederasiyası tərəfindən məşqçilər üçün 2 günlük təcrübə təlimləri təşkil olunub. Avropanın müxtəlif ölkələrindən iştirak üçün dəvət olunan məşqçilər Danimarkada badmintonun uğurlu inkişaf strategiyası, məşq mədəniyyəti, bu ölkədə həm milli komanda, həm də klub səviyyəsində fəaliyyət göstərən məşqçilərin iş prinsipləri ilə yaxından tanış olublar, Danimarka Badminton sisteminin önəmli şəxsləri ilə görüşüblər. 

Azərbaycanı təlimdə gənc məşqçilərimiz Orxan Qələndərov və Kənan Rzayev təmsil edib. 

Bu seminar gənc badminton məşqçilərimizin müəyyən təcrübə qazanması və gələcəkdə öz fəaliyyətlərində tətbiq etməsi baxımından böyük imkanlar yaradır.