Lənkəranda Cənub Regional Boks Mərkəzinin açılış mərasimi keçirilib
12 iyun 2025 125

İyunun 12-də Lənkəranda Cənub Regional Boks Mərkəzinin açılış mərasimi keçirilib.
Tədbirdə gənclər və idman naziri Fərid Qayıbov, Azərbaycan Boks Federasiyasının (ABF) vitse-prezidenti Vüsal Nəsirli, Lənkəran şəhər İcra Hakimiyyətinin başçısı Taleh Qaraşov və digər rəsmilər iştirak ediblər.
Mərkəzin rəmzi açılışını bildirən lent kəsildikdən sonra qonaqlar zalda yaradılan şəraitlə tanış olub, yeniyetmə boksçuların məşqlərini və döyüşlərini izləyiblər. Gənclər və idman naziri Fərid Qayıbovla ABF-in vitse-prezidenti Vüsal Nəsirli idmançılar və məşqçilərlə səmimi söhbət edib, müvafiq tövsiyə və tapşırıqlarını veriblər.
Mərkəz ABF tərəfindən müasir tələblərə cavab verən lazımı avadanlıqlarla təchiz olunub. Yeni boks ocağının ümumi sahəsi 2,5 hektardan çoxdur və inzibati bina iki mərtəbədən ibarətdir. Burada birinci mərtəbədə məşq zalı və iki rinq idmançıların ixtiyarına verilib. Mərkəzdə məşqçilərin toplantı otağı, 2 paltardəyişmə otağı, trenajorlar və minifutbol meydançası var.
Qeyd edək ki, ABF-in əsas fəaliyyət istiqamətlərindən biri regionlarda boksa olan marağı daha da artırmaq, kütləviliyini təmin etmək və maddi-texniki bazasını gücləndirməkdir. Cənub Regional Boks Mərkəzindən başqa, Bakı Boks Mərkəzi və Sumqayıt şəhər stadionunda Boks Təlim Mərkəzi də fəaliyyət göstərir.
Bənzər xəbərlər

Azərbaycan cüdoçuları Avropa çempionatına hazırlaşırlar
Azərbaycanın gənc cüdoçuları Nabranda təlim-məşq düşərgəsində iştirak edirlər.
Bu barədə Azərbaycan Cüdo ... Ətraflı

Azərbaycan boksçusu erməni rəqibinə qalib gələrək Avropa çempionu olub
Azərbaycan boksçusu Əminə Tağı Avropa çempionu tituluna yiyələnib.
50 kiloqram çəkidə ... Ətraflı