Londonda Ümummilli Lider Heydər Əliyevin anadan olmasının 100 illiyinə həsr edilən idman yarışı keçirilib
11 sentyabr 2023 393
Londonda kikboksinq üzrə üçqat dünya çempionu Hafiz Baxşəliyev tərəfindən Ümummilli Lider Heydər Əliyevin anadan olmasının 100 illiyinə həsr edilən “Immortal Champions” adlı yarış keçirilib.
Ölkəmizin Böyük Britaniya və Şimali İrlandiya Birləşmiş Krallığındakı səfirliyindən bildirilib ki, muay tay, kikboksinq və MMA döyüş növlərinin yer aldığı yarışda Böyük Britaniya və dünyanın bir çox ölkələrindən iştirakçılar mübarizə aparıb.
Yarışın əsas döyüşlərinin birində Yusuf Ali Taleb Co Bellonu ikinci raundda nokaut edərək, “Immortal Champions - MMA Britaniya” titulunu qazanıb.
Yarışın əsas döyüşü isə britaniyalı Körtis Allen və ispaniyalı Kennet Alarkon arasında baş tutub. Körtis Allen dördüncü raundda rəqibini nokauta salaraq “Immortal Champions - muay tay” Avropa çempionu olub.
Bənzər xəbərlər
Olimpiya məşəli Yunanıstandan Fransaya yola düşüb
Paris-2024 Yay Olimpiya Oyunlarının məşəli üç yelkənli qədim gəmi ilə ... Ətraflı
Avarçəkənimiz Paris-2024 Yay Olimpiya Oyunlarına lisenziya qazandı
Akademik avarçəkmə üzrə yığma komandamızın üzvü Diana Dımçenko Paris-2024 Yay ... Ətraflı