Şimali Makedoniyanın paytaxtı Skopye şəhərində 20 yaşlı oğlanlar arasında keçirilən basketbol üzrə Avropa çempionatı "B" divizionun oyunları davam edir. C qrupunda qərarlaşmış U-20 millimiz qrupdakı sonuncu oyununda Gürcüstan yığmasına 66-81 hesabı ilə məğlub olub. C qrupunda sonuncu pilləni tutmuş millimiz, 17 və 20 -ci yerlər uğrunda mübarizə aparacaq. U-20 yığmamızın bu mərhələdəki oyunu, 14 iyul Bakı vaxtı ilə saat 13:00 -da B qrupunu sonuncu sırada bitirmiş Lüksemburq seçməsinə qarşı baş tutacaq. Qarşılaşma FIBA -nın rəsmi "youtube" hesabından canlı yayımlanacaq.