Muzeylər günündə şahmat yarışı
19 may 2023 343
Azərbaycan Respublikası Mədəniyyət Nazirliyi Milli Azərbaycan Tarixi Muzeyi, Gənclər və İdman Nazirliyi Azərbaycan Şahmat Federasiyası, Azərbaycan Milli Paralimpiya Komitəsinin birgə təşkilatçılığı və "Beynəlxalq Muzeylər Şurası (ICOM) Azərbaycan Milli Komitəsi" İctimai Birliyinin dəstəyi ilə "18 may- Beynəlxalq Muzeylər Günü”nə həsr olunan seans təşkil olunub. “Qlobal sağlamlıq və xoş rifah" şüarı altında fiziki məhdudiyyəti olan səxslər üçün beynəlxalq qrossmeyster Zeynəb Məmmədyarovanın iştirakı ilə şahmat seansı keçirilib.
Tədbirdə muzeyin direktoru, akademik Nailə Vəlixanlı, İslam dünyasının ilk qadın şahmatçı qrossmeysteri, Azərbaycan Ailə Qadın və uşaq problemləri üzrə dövlət komitəsinin sədr müavini Aynur Sofiyeva, Azərbaycan Şahmat Federasiyasının vitse-prezidenti Faiq Həsənov, Sumqayıt Olimpiya İdman Kompleksinin direktoru Zeynəb Məmmədyarova, Gənclər və İdman Baş İdarəsinin nümayəndəsi Gündüz Vəliyev iştirak edib. Çıxış edən qonaqlar qeyd ediblər ki, sağlamlıq imkanları məhdud şəxslərin cəmiyyətə inteqrasiyası məqsədilə həyata keçirilən belə tədbirlər bu təbəqədən olan şəxslərin idman bacarıqlarının üzə çıxarılmasına dəstək olur.
Seansda eyni anda 20 lövhədə müxtəlif yaş qruplarından olan şəxslər beynəlxalq qrossmeyster ilə mübarizə aparıblar.
İştirakçılar fəal oyuna görə Milli Azərbaycan Tarixi Muzeyi adından təşəkkürnamə ilə təltif olunublar.
Bənzər xəbərlər
Azərbaycanın 6 boksçusu Bakıdakı beynəlxalq turnirin finalına vəsiqə qazanıb
Bakıda təşkil edilən kişi boksçular arasında ənənəvi “Böyük İpək Yolu” ... Ətraflı
Azərbaycanın qadın boksçuları beynəlxalq turniri 9 medalla başa vurublar
Bakıda təşkil olunan boks üzrə “Böyük İpək Yolu” beynəlxalq turnirində ... Ətraflı