“Odlar Yurdu” boks klubu Almaniyada Azərbaycanı uğurla təbliğ edir
10 mart 2025 428
Almaniyanın Saksen-Anhalt əyalətinin paytaxtı Maqdeburq şəhərində fəaliyyət göstərən “Odlar Yurdu” boks klubu yeni uğura imza atıb.
Martın 8-9-da Maqdeburqda keçirilən federal birincilikdə klubun iki üzvü turnirin qalibi olublar. Uşaqlar arasında yarışda 57 kiloqram çəki dərəcəsində mübarizə aparan 13 yaşlı Dmitro Turkules qalib adını qazanıb. Yeniyetmələrin mübarizəsində isə 15 yaşlı Bleoren Halili 66 kiloqram çəki dərəcəsində hamıdan güclü olub.
“Odlar Yurdu” boks klubunun rəhbəri, peşəkar bokşçu Azad Əzizov bunun həm idmançılar, həm də klub üçün böyük uğur olduğunu qeyd edib. O, klubun son iki ildə qazandığı uğurlar sayəsində Almaniyada boks idmanı sahəsində daha çox diqqət cəlb etdiyini bildirib.
Bənzər xəbərlər
Avropa çempionatı: Azərbaycanın bir boksçusu finala yüksəlib, digəri bürünc medal qazanıb
Azərbaycan boksçusu Sübhan Mamedov Macarıstanın paytaxtı Budapeştdə keçirilən U-23 Avropa ... Ətraflı
Fərid Qayıbov yenidən Avropa Gimnastikasının prezidenti seçilib
Azərbaycanın gənclər və idman naziri Fərid Qayıbov yenidən Avropa Gimnastikasının ... Ətraflı