Ölkəmizdə ilk yarışı Azərbaycan Velosiped İdmanı Federasiyası keçirəcək
03 iyun 2020 525
Nazirlər Kabineti yanında Operativ Qərargahın müvafiq icazəsindən sonra ölkəmizdə birinci yarışı Azərbaycan Velosiped İdmanı Federasiyası (AzVİF) keçirəcək. Turnir iyunun 6-da təşkil olunacaq. Federasiyadan “Olimpiya Dünyası” qəzetinə açıqlamasında bildirib ki, yarış Respublika Velotrekində təşkili olunacaq. Sitat: “Əsas məqsəd ondan ibarətdir ki, karantin dövründə idmançıların ev şəraitində necə məşq etdiklərini görək. Biz onlara velosiped və digər avadanlıqlar vermişdik ki, ev şəraitində formalarını saxlasınlar. Bir növ idmançıların fiziki durumlarını yoxlamaq niyyətindəyik”.
İyulun 1-dən beynəlxalq yarışlar bərpa olunduğunu bildirən Pərviz Mustafayev bildirib ki, qarşıdakı ay ərzində mümkün qədər çox turnir keçirəcəklər ki, beynəlxalq yarışlara hazır osunlar. Qeyd edək ki, Nazirlər Kabineti yanında Operativ Qərargah mayın 31-də saat 00:00-dan etibarən açıq məkanlarda idman yarışlarının keçirilməsinə icazə verib. 2020-ci ilin təqviminə əsasən, AzVİF-in birinci daxili yarışı martın 7-8-də təşkil edilməli idi, lakin koronavirus səbəbindən təxirə salınıb. Həftəsonu keçiriləcək turnir federasiyanın mövsümdə birinci daxili tədbiri olacaq.
Bənzər xəbərlər
Azərbaycanın 6 boksçusu Bakıdakı beynəlxalq turnirin finalına vəsiqə qazanıb
Bakıda təşkil edilən kişi boksçular arasında ənənəvi “Böyük İpək Yolu” ... Ətraflı
Azərbaycanın qadın boksçuları beynəlxalq turniri 9 medalla başa vurublar
Bakıda təşkil olunan boks üzrə “Böyük İpək Yolu” beynəlxalq turnirində ... Ətraflı