“Olimpiya Günü” proqramının hədiyyəli viktorinasının ilk qalibi bəlli oldu
09 may 2020 482
Milli Olimpiya Komitəsi ilə CBC Sport telekanalınin birgə layihəsi olan – “Olimpiya günü” verilişinin ilk buraxılışı maraqlı qonaq və reportajlarla yadda qaldı.
Hədiyyəli viktorinanın qalibi olmaq üçün verilişdə səslənən suala cavab vermək lazım idi. “Olimpiya Günü” proqramının ilk buraxılışında “Nazim Hüseynov və Valeri Belinkidən başqa Barselona Olimpiya Oyunlarında ölkəmizi təmsil edən digər 3 idmançı kim olub və hansı idman növləridir?” sualı səslənib. Valeri Timoxin-atçılıq stend, İlqar Məmmədov-Qılıncoynatma Rapira, Valentina Popova-Stolüstü tennis fərdi cavabını ilk yazan Cavid Məmmədov MOK-un xüsusi hədiyyəsini aldı.
Qeyd edək ki, Şəmsəddin Abbasov və Leyla Abdullayevanın apardığı ilk buraxılışın qonağı 1992 Barselona Olimpiadasında qızıl medal qazanaraq tarixdə birinci Azərbaycanlı Olimpiya çempionu olan Nazim Hüseynov idi. “Şöhrət” ordenli cüdoçu o illərdə qələbəyə gedən yol haqda maraqlı xatirələri ilə bölüşdü, aparıcıların suallarını cavablandırdı. Olimpiya milli komandalarının üzvlərinin karantin görüntüləri, əfsanəvi yüngül atlet Karl Luis haqda reportajların da yer aldığı proqramda Tokio -2020 Yay Olimpiya Oyunlarına hazırlaşan Rüstəm Orucov canlı bağlantıya qoşulub.
Mayın -9 da saat 12.00-da CBC Sport telekanalında efirə gedəcək “Olimpiya Günü” proqramının ikinci buraxılışında növbəti sualı gözləyin.
Bənzər xəbərlər
Avropa çempionatı: ilk yarış günündə 7 cüdoçumuz tatami üzərinə çıxacaq
Bu gün Xorvatiyanın paytaxtı Zaqrebdə cüdo üzrə böyüklər arasında Avropa ... Ətraflı
Akrobatika gimnastikası üzrə ölkə birinciliyi və Bakı çempionatı start götürüb
Akrobatika gimnastikası üzrə 29-cu Azərbaycan birinciliyi və Bakı çempionatı start ... Ətraflı