Ölkəmiz Paris Olimpiadasına lisenziya xarakterli turnirə ev sahibliyi etdi
12 fevral 2024 146
Bakıda badminton üzrə “Azerbaijan International 2024” beynəlxalq turniri keçirilib.
Azərbaycan Badminton Federasiyasının mətbuat xidmətindən verilən məlumata görə, Bakı İdman Sarayında təşkil olunan yarışda 49 ölkədən 300-dən artıq idmançı mübarizə aparıb.
Paris-2024 Yay Olimpiya Oyunlarına lisenziya xarakterli turnirdə Azərbaycanın 19 badmintonçusu qüvvəsini sınayıb.
Yığma üzvləri 5 kateqoriyanın hər birində təmsil olunublar.
Təəssüf ki, idmançılarımızdan heç biri mükafatçılar sırasına düşə bilməyiblər.
Təmsilçilərimiz arasında ən yaxşı nəticə Edi Reski Dviçayo və Keişa Zəhra Fatiməyə qarşı olub.
Hər iki təmsilçimiz yarımfimalın bir addımlığında 1/4 finalda məğlub olaraq turnirlə vidalaşıblar. E.Dviçayo yarımfinala yüksəlmək uğrunda keçirilən qarşılaşmada Hindistan təmsilçisi Ayuş Şettiyə uduzub. Matç E.Dviçayonun 0:2 (14-21,14-21) hesablı məğlubiyyəti ilə yekunlaşıb.
Keişa Zəhra Fatimə isə hindistanlı Anupama Upadhyayaya məğlub olub.
Matç K.Fatimənin 0:2 (7-21, 18-21) hesablı məğlubiyyəti ilə başa çatıb.
Bənzər xəbərlər
Olimpiya məşəli Yunanıstandan Fransaya yola düşüb
Paris-2024 Yay Olimpiya Oyunlarının məşəli üç yelkənli qədim gəmi ilə ... Ətraflı
Avarçəkənimiz Paris-2024 Yay Olimpiya Oyunlarına lisenziya qazandı
Akademik avarçəkmə üzrə yığma komandamızın üzvü Diana Dımçenko Paris-2024 Yay ... Ətraflı