Qadın voleybolçular arasında Yüksək Liqada II dövrənin növbəti oyunları fevralın 6-da keçiriləcək. V turun saat 16:00-da start götürəcək ilk qarşılaşmasında “Azərreyl” və “Abşeron” komandaları üz-üzə gələcək. Bu matçdan iki saat sonra “Murov” və UNEC kollektivlərinin görüşü baş tutacaq. 

Fevralın 7-də kişi voleybolçular arasında Yüksək Liqada V turun oyunlarına start veriləcək. Günün ilk qarşılaşması saat 16:00-da “Murov” və MOİK komandaları arasında olacaq. Saat 18:00-da isə “Xarı bülbül” - “Neftçi” qarşılaşması keçiriləcək. 

Qeyd edək ki, oyunlar Voleybol Mərkəzində təşkil olunacaq.