Rapid yarışının qalibləri məlum oldu
05 dekabr 2022 566
Rapid üzrə Azərbaycan çempionatına yekun vurulub. Açılış mərasimində çıxış edən Azərbaycan Şahmat Federasiyasının prezidenti, FİDE-nin vitse-prezidenti Mahir Məmmədov turnirin əhəmiyyətindən danışaraq iştirakçılara uğurlar arzulayıb.
Rapid yarışında Rauf Məmmədov 9 turdan 7 xal toplayaraq birinci yerə layiq görülüb.
Onunla eyni xalı yığan Vüqar Əsədli ikinci, yarım xal az toplayan Məhəmməd Muradlı isə üçüncü olub.
Qadınlar arasında isə 7 turdan 5 xal yığan Ləman Hacıyeva əlavə göstəricilərə görə birinci yerə sahib olub. İkinci pillədə onunla eyni xala malik olan Ayan Allahverdiyeva qərarlaşıb. Ülviyyə Fətəliyeva turniri üçüncü yerdə başa vurub.
Bu gün şahmatçılar Azərbaycan çempionatında blits yarışında mübarizəni davam etdirəcək.
Qeyd edək ki, çempionatların təşkilində əsas məqsəd dekabrın 25-30-da Qazaxıstanın Almatı şəhərinin ev sahibliyi edəcəyi rapid və blits üzrə dünya çempionatına gedəcək şahmatçıların müəyyən edilməsidir.
Bənzər xəbərlər
Suqovuşanda "Prezident Kuboku-2024" beynəlxalq reqatasının rəsmi açılış mərasimi keçirilib
Mayın 1-də Suqovuşanda ümummilli lider Heydər Əliyevin anadan olmasının 101 ... Ətraflı
Çingiz Hüseynzadə: "Bu yarış gənc avarçəkənlərimiz üçün böyük təcrübədir"
"Bu gün Suqovuşanda start götürən Prezident Kuboku-2024" beynəlxalq reqatada 21 ... Ətraflı