Xəbərlər

Skopye-2025-də növbəti qızıl medal

22 iyul 2025 - 20:00 196

Azərbaycan komandasının daha bir cüdoçusu XVIII Avropa Gənclər Yay Olimpiya Festivalında qızıl medal qazanıb. 

 

Milli Olimpiya Komitəsinin mətbuat xidməti xəbər verir ki, bu uğura -44 kq çəki dərəcəsində mübarizə aparan Gülşən Hüseynova nail olub. 

 

Mübarizəyə 1/4 final mərhələsindən başlayan cüdoçumuz ardıcıl olaraq Sara Coni (Böyük Britaniya) və Livanur Kayıra (Türkiyə) qalib gələrək finala vəsiqə əldə edib. Həlledici görüşdə israilli Yuval Qabayı da üstələyən Avropa çempionatının bürünc medalçısı fəxri kürsünün ən yüksək pilləsinə qalxıb.

 

Qeyd edək ki, bu gün daha bir cüdoçumuz Rəsul Əlizadə (-55 kq) də final görüşünə çıxacaq.