Yeniyetmə cüdoçuların Azərbaycan birinciliyinə start verildi
24 yanvar 2023 380
24 yanvar 2023-ci ildə Bakıda cüdo idman növü üzrə U-18 qız və oğlan yeniyetmələr arasında Azərbaycan birinciliyinin ilk yarış günü başladı.
Hövsan qəsəbəsində yerləşən Fövqəladə Hallar Nazirliyinin (FHN) İdman Sağlamlıq Mərkəzində keçiriləcək yarış Azərbaycan Cüdo Federasiyası və Azərbaycan Respublikası Gənclər və İdman Nazirliyinin birgə təşkilatçılığı ilə keçirilir. Yarışda ölkənin müxtəlif regionlarından, Sumqayıt və Bakı şəhərindən olan 97 müxtəlif klub, cəmiyyət və idman təşkilatdan 618 (504 oğlan, 114 qız) idmançı mübarizə aparacaq.
Turnirin fərdi yarışları 24-26 yanvarda, komanda yarışları isə 27 yanvarda baş tutacaq.
Üç gün davam edəcək yarışda 2006-2008-ci il təvəllüdlü yeniyetmə cüdoçular arasında -36 kq., -40 kq., -44 kq., -48 kq., -52 kq., -57 kq., -63 kq., -70 kq., və +70 kq. çəkilərdə, oğlanlar arasında isə -46 kq., -50 kq., -55 kq., -60 kq., -66 kq., -73 kq., -81 kq., -90 kq., və +90 kq. çəkilərdə cüdoçular güclərini sınayacaqlar.
Qeyd edək ki, yarışın əsas məqsədi gənclər arasında idman vasitəsi ilə sağlam həyat tərzinin formlaşdırılması, həmçinin cüdonun kütləvi təbliğinə və təşviqinə nail olmaqdır, eyni zamanda perspektivli namizədlərin yığma komandaya seçməkdir.
Bənzər xəbərlər
Avropa çempionatı: ilk yarış günündə 7 cüdoçumuz tatami üzərinə çıxacaq
Bu gün Xorvatiyanın paytaxtı Zaqrebdə cüdo üzrə böyüklər arasında Avropa ... Ətraflı
Akrobatika gimnastikası üzrə ölkə birinciliyi və Bakı çempionatı start götürüb
Akrobatika gimnastikası üzrə 29-cu Azərbaycan birinciliyi və Bakı çempionatı start ... Ətraflı