Bakıda keçiriləcək Atıcılıq üzrə Dünya çempionatında Azərbaycandan 31 nəfər idmançı iştirak edəcək.

Bu sözləri Bakıda keçiriləcək atıcılıq üzrə 53-cü Dünya çempionatı ərəfəsində təşkil olunan mətbuat konfransında Azərbaycan Atıcılıq Federasiyasının və Milli Olimpiya Komitəsinin vitse-prezidenti Zemfira Meftahətdinova deyib. Qeyd edib ki, idmançılarımızdan 12 nəfər stend atıcılığı, qalanı isə güllə atıcılığı üzrə ölkəmizi Dünya çempionatında təmsil edəcək:

“Komanda tərkibində bizim gənc idmançılarımız da iştirak edir. Hər idmançı yarışa gəldikdə qalib olmaq istəyir. Məşqçilər idmançılarımız üçün hər bir şəraiti yaradır. Onlar da çalışırlar ki, ən yaxşısını əldə etsinlər”.

Qeyd edək ki, Dünya çempionatının açılış mərasimi bu gün olacaq. Yarış sentyabrın 1-dək davam edəcək.