Avarçkənlərimiz "Mingeçevir Reqatası-2024"ə uğurla başladılar

16 oktyabr 2024 1210

Oktyabrın 16-da "Mingəçevir Reqatası-2024" beynəlxalq turnirinə start verilib.

Azərbaycan idmançıları Mingəçevirdəki “Kür” Olimpiya Tədris-İdman Mərkəzində keçirilən yarışın ilk gününə uğurla başlayıblar.

Belə ki, komandamızın üç üzvü çıxışını medalla başa vurub.

Təmsilçilərimizdən Amil Ramazanov 500 metr məsafəyə akademik avarçəkmə növündə 2006-2007-ci illər təvəllüdlü idmançılar arasında qızıl medala layiq görülüb.

Akademik avarçəkmə növündə 500 metr məsafəyə yarışda mübarizə aparan komandamızın digər üzvlərindən Əlimurad Hacızadə 2008-2009-cu illər təvəllüdlü idmançılar arasında gümüş, 2008-2009-cu illər təvəllüdlü idmançılar arasında çıxış edən Niyaz Məlikov-Elvin Əliyev cütlüyü isə bürünc medal qazanıb.

Qeyd edək ki, "Mingəçevir Reqatası-2024"ə oktyabrın 18-də yekun vurulacaq.