Xəbərlər

Azərbaycan boksçuları Macarıstanda 2 medal qazanıblar

18 may 2024 145

Macarıstanın Eger şəhərində gənc boksçular arasında beynəlxalq turnirə yekun vurulub.

 

Azərbaycan millisi yarışı 2 medalla başa vurub.

 

Baş məşqçi Elbrus Rzayevin komandasında Abbasqulu Şadlinski (71 kiloqram) fəxri kürsünün ən yüksək pilləsinə qalxıb. O, finalda Arpad Jambora 4:1 (30:27, 30:27, 29:28, 29:28, 28:29) hesabı ilə qalib gələrək qızıl medala sahib olub.

 

Tağı Nəsibov (60 kiloqram) isə həlledici görüşdə özbəkistanlı Abdulaziz Jurakulovla üz-üzə gəlib. Görüş rəqibin 4:1 (28:29, 29:28, 30:27, 30:27, 29:28) hesablı qələbəsi ilə başa çatdığından boksçumuz gümüş medala yiyələnib.