Xəbərlər

Azərbaycan boksçusu lisenziya turnirində növbəti qələbəsini qazanıb

30 may 2024 868

Azərbaycan boksçusu Alfonso Dominges Tailandın paytaxtı Banqkokda keçirilən II Dünya Olimpiya Təsnifat Turnirində növbəti qələbəsini qazanıb.

 

92 kiloqram çəki dərəcəsində qüvvəsini sınayan idmançı 1/16 finalda Marko Çaçiki (Xorvatiya) məğlub edib.

 

Dünya çempionu rəqibinə 5:0 (30:27, 30:27, 30:26, 30:27, 30:27) hesabı ilə qalib gəlib. A. Dominges 1/8 final mərhələsində Sanjit Sanjitlə (Hindistan) üz-üzə gələcək. Görüş mayın 31-də baş tutacaq.

 

Qeyd edək ki, bu gün Azərbaycanın qadın boksçusu Məhsəti Həmzəyeva (57 kiloqram) də rinqə çıxacaq.