Azərbaycan güləşçiləri bu gün Tatarıstanda altı medal qazanıblar
18 iyun 2024 434

Azərbaycan güləşçiləri Tatarıstanın paytaxtı Kazanda keçirilən "BRICS Sports Games Kazan 2024" beynəlxalq multi-idman oyunlarında bu gün 6 medal qazanıblar.
Sərbəst güləşçilərimizdən Hacımurad Maqomedsəyidov (97 kq) qızıl, Şamil Zubairov (92 kq), Murad Haqverdiyev (65 kq), Orxan Abasov (79 kq) gümüş, Ceyhun Allahverdiyev (61 kq) və Cəbrayıl Qadjiyev (74 kq) bürünc medal əldə edib.
Bununla da Azərbaycan idmançılarının oyunlarda qazandığı medalların sayı 9-a (2 qızıl, 3 gümüş və 4 bürünc) çatıb.
Xatırladaq ki, iyunun 11-də start götürən yarışda karateçimiz Mədinə Sadıqova (55 kq) bütün rəqiblərinə qalib gələrək yarışın qalibi olub. Avarçəkənimiz Bəhmən Nəsiri və samboçumuz Rəsul Aydəmirov (98 kq) isə bürünc medala sahib olublar.
Bənzər xəbərlər

İki badmintonçumuz ilk dəfə dünya reytinqində "100-lük"də qərarlaşıb
Azərbaycanın iki idmançısı tarixdə ilk dəfə dünyanın 100 ən güclü ... Ətraflı

"Zaqreb Open": Pəhləvanlarımızdan uğurlu başlanğıc
Azərbaycan güləşçiləri Xorvatiyanın paytaxtı Zaqrebdə keçirilən ilin ilk reytinq turniri ... Ətraflı