Azərbaycan hakimləri bədii gimnastika tarixində ilk dəfə I kateqoriyaya layiq görülüblər

07 dekabr 2024 839

İsveçrənin Lozanna şəhərində Beynəlxalq Gimnastika Federasiyası tərəfindən 2025-2028-ci illər Olimpiya dövrünü əhatə edən qitələrarası hakimlik kursları keçirilib.

Kurslarda Azərbaycanın fərdi proqram və qrup hərəkətləri üzrə bədii gimnastika hakimləri də iştirak ediblər.

Nigar Abdusalimova (fərdi və qrup hərəkətləri proqramı üzrə), Yevgeniya Vilyayeva (qrup hərəkətləri və fərdi proqram üzrə) 1-ci və 2-ci kateqoriyaya, Səbinə Hacıyeva 2-ci kateqoriyaya (fərdi proqram üzrə), Vəfa Bəkərova isə (qrup hərəkətləri proqramı üzrə) 3-cü kateqoriyaya yiyələniblər.

Bununla da Azərbaycan hakimləri bədii gimnastika tarixində ilk dəfə I kateqoriyaya layiq görülüblər.