Azərbaycan Paris-2024-də növbəti medalını təmin etdi

01 avqust 2024 921

Cüdo üzrə yığma komandamızın üzvü Zelim Kotoyev Paris-2024 Yay Olimpiya Oyunlarının final mərhələsinə vəsiqə qazanıb.

-100 kq çəki dərəcəsində qüvvəsini sınayan idmançımız finala gedən yolda özbəkistanlı Muzaffarbek Turoboyevlə qarşılaşıb.

Dünya çempionumuz bu görüşdən də qalib ayrılaraq finala vəsiqə əldə edib. Bununla da Azərbaycan komandası Paris-2024-də ikinci medalını təmin edib.

Finalda cüdoçumuzun rəqibi gürcüstanlı İlia Sulamanidze olacaq. O, bu mərhələyə çıxmaq üçün Daniel Eixə ipponla qalib gələrək, mübarizədən kənarlaşdırıb.

Qeyd edək ki, mübarizəyə 1/8 finaldan başlayan Zelim Kotoyev Pyotr Kuçera (Polşa) və Peter Palçikə (İsrail) qalib gələrək yarımfinala vəsiqə qazanmışdı.