Bu gün MDB Oyunlarında oğlan boksçular arasında yarımfinal döyüşləri keçirilib.

Yarışda Azərbaycan millisinin 14 idmançısı finala vəsiqə uğrunda mübarizə aparıb. Boksçularımızdan 5-i həlledici mərhələyə yüksəlib, 9-u isə bürünc medala layiq görülüb.

Belə ki, Qardaş Rəhimov (46 kiloqram), Şahin Aslanov (60 kiloqram), Səfdər Məmmədzadə (+80 kiloqram), Əli Əliyev (48 kiloqram) və Əli Abaslı (52 kiloqram) yarımfinalda qalib gələrək finala vəsiqə qazanıb. 

Əli Ruşanov (46 kiloqram), Ayxan Həsənov (50 kiloqram), Toğrul Quliyev (60 kiloqram), Şikar Əliyev (75 kiloqram), Əflatun İsmiyev (57 kiloqram), Raul Heydərli (57 kiloqram), Haqverdi Həsənov (63 kiloqram), Adil Zalov (70 kiloqram) və İsmayıl Vəliyev isə (80 kiloqram) yarımfinal döyüşlərində məğlub olaraq bürünc medalla kifayətləniblər. 

Qeyd edək ki, oğlan boksçular arasında final qarşılaşmaları oktyabrın 5-də keçiriləcək.