Bu gün MOK ilə AVF birgə əməkdaşlığa dair niyyət protokolu imzalayıb
29 fevral 2024 129
Tədbirdə çıxış edən Şahin Bağırov bu günədək MOK-la birgə görülən işlərdən danışıb. Bir müddət əvvəl Bakıda FIVB-nin hakimlər üçün Level-3 seminarının keçirildiyini xatırladan Ş.Bağırov bildirib ki, bu seminar məhz MOK-un uğurlu fəaliyyətinə görə Beynəlxalq Olimpiya Komitəsi tərəfindən ölkəmizə həvalə edilib.
AVF rəhbəri voleybolun ölkəmizdə hər zaman sevilən idman növü olduğunu və bu sahədə bir sıra uğurlu nəticələrə imza atıldığını vurğulayıb.
Qeyd edib ki, qadınlardan ibarət millimizlə beynəlxalq yarışlarda mühüm nailiyyətlər qazanmış Faiq Qarayev yenidən yığmamıza baş məşqçi təyin olunub. Bu və digər görülən işlərin voleybolumuzun əvvəlki populyarlığını yenidən geri qaytaracağına inamını ifadə edib.
O, bu protokolun voleybolun daha da inkişaf etməsinə, professional və güclü voleybolçuların yetişməsinə mühüm töhfə verəcəyini bildirib. Ş.Bağırov olimpiya hərəkatı ilə bağlı bütün proseslərdə, məşqlərin gerçəkləşməsində, idmançıların təlim-məşq toplanışlarında iştirak etməsində, onların beynəlxalq turnirlərə göndərilməsi məsələlərində MOK-un dəstəyinin faydalı olacağını da qeyd edib.
Bənzər xəbərlər
Olimpiya məşəli Yunanıstandan Fransaya yola düşüb
Paris-2024 Yay Olimpiya Oyunlarının məşəli üç yelkənli qədim gəmi ilə ... Ətraflı
Avarçəkənimiz Paris-2024 Yay Olimpiya Oyunlarına lisenziya qazandı
Akademik avarçəkmə üzrə yığma komandamızın üzvü Diana Dımçenko Paris-2024 Yay ... Ətraflı