Dünya çempionatı: Azərbaycan güləşçiləri 2 qızıl, 1 gümüş medal qazanıblar
01 dekabr 2023 289
Azərbaycanın sərbəst güləşçisi Orxan Abbasov Bakıda keçirilən hərbçilər arasında 36-cı dünya çempionatının ikinci günündə qızıl medal qazanıb.
79 kiloqram çəki dərəcəsində mübarizə aparan güləşçimiz final görüşündə qazaxıstanlı rəqibini məğlubiyyətə uğradaraq fəxri kürsünün ən yüksək pilləsinə qalxıb.
Qadınların mübarizəsində isə Ruzanna Məmmədova (59 kiloqram) rəqibini üstələyərək birinci yeri tutub.
Azərbaycanın digər təmsilçisi - 61 kiloqram çəki dərəcəsində mübarizə aparan Ceyhun Allahverdiyev türkiyəli Ahmet Dumana məğlub olaraq gümüş medalın sahibi olub.
Turnirin ilk günü Əli Rəhimzadə (65 kiloqram), Hacı Əliyev (70 kiloqram), Turan Bayramov (74 kiloqram) və İbrahim Yusubov (92 kiloqram) qızıl medal qazanıblar. Elnurə Məmmədova (52 kiloqram) ikinci, Nərgiz Səmədova (50 kiloqram) isə üçüncü yerləri tutublar.
Bununla da Azərbaycan güləşçiləri komanda hesabı ilə birinci pillədə qərarlaşıblar.
Bənzər xəbərlər
Olimpiya məşəli Yunanıstandan Fransaya yola düşüb
Paris-2024 Yay Olimpiya Oyunlarının məşəli üç yelkənli qədim gəmi ilə ... Ətraflı
Avarçəkənimiz Paris-2024 Yay Olimpiya Oyunlarına lisenziya qazandı
Akademik avarçəkmə üzrə yığma komandamızın üzvü Diana Dımçenko Paris-2024 Yay ... Ətraflı