Gimnaziada: Azərbaycan millisinin 10 boksçusu döyüşünü qələbə ilə başa vurub
10 aprel 2025 146

Serbiyada keçirilən Gimnaziada İdman Oyunlarında boksçuların mübarizəsinə start verilib.
Zlatibor şəhərində keçirilən yarışın ilk günündə Azərbaycan millisinin 10 idmançısı döyüşünü qələbə ilə başa vurub.
Yığmanın heyətində Babək Abdullayev (40 kiloqram) Zaxari Kovala (Ukrayna), Azad Məmmədli (44 kiloqram) İvan Burlakaya (Ukrayna), İsmayıl Aslanlı (50 kiloqram) Orest Petrovskiyə (Ukrayna), Yusif Əli (52 kiloqram) Aleksandros Konstantinouya (Kipr) və Kəmalə Həsənova (54 kiloqram) Ana Santos Velosoya (Braziliya) qalib gələrək, yarımfinala vəsiqə qazanıblar. Onlar qələbə sayəsində özləri üçün azı bürünc medalı da təmin ediblər.
Aysan Miriyeva (46 kiloqram) yarımfinalda Santos Silvanı (Braziliya), Leyla Mahmudlu (51 kiloqram) Esmanur Kahramanı (Türkiyə), Nurlan Müseyibli (66 kiloqram) Qleb Zlenkonı (Ukrayna), Zirəddin Rüstəmli (70 kiloqram) Draqan Todoroviçi (Serbiya) və Mehran Rəsulov (75 kiloqram) Rijon Rumba Limanı (Nepal) məğlub edərək, həlledici raundda vəsiqə qazanıb.
Nəriman Əli (54 kiloqram) isə yarımfinalda məğlub olaraq, Gimnaziadanı bürünc medalla başa vurub. Qeyd edək ki, boksçuların mübarizəsinə aprelin 12-də yekun vurulacaq.
Bənzər xəbərlər

Azərbaycan cüdoçuları Perudakı Qran-Prini 7 medalla başa vurublar
Perunun paytaxtı Limada cüdo üzrə Qran-Pri turniri başa çatıb.
Son yarış ... Ətraflı

“Təhlükəsiz idman - hamı üçün” mövzusunda keçirilən kurs iştirakçılarına sertifikatlar təqdim edilib
Oktyabrın 13-də Azərbaycan İdman Akademiyasının akt zalında Milli Olimpiya Komitəsinin ... Ətraflı