Xəbərlər

Həndbol millimiz Moldova yığmasına da məğlub oldu

16 mart 2025 212

Azərbaycan millisi Bolqarıstanın Varna şəhərində təşkil olunan həndbolu inkişaf etməkdə olan ölkələrin çempionatında növbəti oyununa çıxıb.

 

Yığmamız 7-8-ci yerlər uğrunda qarşılaşmada Moldova ilə üz-üzə gəlib.

 

Görüş Moldova millisinin 29:28 hesablı qələbəsi ilə yekunlaşıb.

 

Qeyd edək ki, Azərbaycanın kişilərdən ibarət millisi B qrupunu sonuncu sırada bitirib. Komanda Moldova (21:33), Nigeriya (17:29) və ABŞ (25:45) yığmalarına uduzub. Milli 5-8-ci yerlər uğrunda görüşdə isə Paraqvaya 22:34 hesabı ilə məğlub olub.