İstanbulun IV Avropa Oyunlarına ev sahibliyi etməsi ilə bağlı imzalanma mərasimi keçirilib
17 may 2024 189
![](/news/1715957725.WhatsApp Image 2024-05-17 at 18.10.07.jpeg)
Mayın 16-da İtaliyanın paytaxtı Romada IV Avropa Oyunlarının İstanbulda keçirilməsi ilə bağlı imzalanma mərasimi olub.
Avropa Olimpiya Komitəsinin (EOC) prezidenti Spiros Kapralos İstanbulu 2027-ci ildə keçiriləcək dördüncü Avropa Oyunlarının keçirildiyi şəhər kimi təsdiq edib. O, bunu İstanbul Böyük Şəhər Bələdiyəsinin sədri Əkrəm İmamoğlu ilə birlikdə rəsmiləşdirib.
"Bu gün İstanbulun dördüncü Avropa Oyunlarına ev sahibliyi etməsi üçün ilk addımı atırıq. Bu saziş Avropa Oyunlarına ev sahibliyi etmək öhdəliyini daha da gücləndirir. Bugünkü razılaşma Avropa Olimpiya Komitələrinə İstanbul Böyükşəhər Bələdiyyəsi və Türkiyə Olimpiya Komitəsi ilə birlikdə bütün Avropa üçün xüsusi bir idman sərgisi yaratmağa imkan verəcək. Biz bilirik ki, İstanbul böyük tədbirlərin keçirilməsində zəngin təcrübəyə və lazımi infrastruktura malikdir. Əslində, 2027-ci il Avropa Oyunları üçün İstanbulda yeni daimi idman obyektlərin inşasına ehtiyac yoxdur", - deyə Avropa Olimpiya Komitəsinin (EOC) prezidenti Spiros Kapralos Romada keçirilən tədbirdə qeyd edib.
Sonra AOK prezidenti Spiros Kapralos, İstanbul Bələdiyyə Başçısı Əkrəm İmamoğlu və Türkiyə Olimpiya Komitəsinin vitse-prezidenti Kazım Yalı Kiremitçioğlu tərəfindən Anlaşma Memorandumu imzalanıb.
Qeyd edək ki, IV Avropa Oyunları 2028-ci ildə Los-Ancelesdə keçiriləcək Yay Olimpiya Oyunlarına da lisenziya verəcək.
Milli Olimpiya Komitəsinin mətbuat xidməti
Bənzər xəbərlər
![](/news/1722073158.IMG_2864.jpeg)
Paris-2024: Bu gün beş idmançımız mübarizəyə başlayacaq
Fransanın paytaxtı Parisdə keçirilən XXXIII Yay Olimpiya Oyunları davam edir. ... Ətraflı
![](/news/1722073242.IMG_2865.jpeg)
Paris-2024: Avarçəkənimiz 1/4 finala vəsiqə qazandı
Bu gün Paris-2024 Yay Olimpiya Oyunları çərçivəsində keçirilən akademik avarçəkmə ... Ətraflı