Milan-Kortina-2026 Qış Olimpiya Oyunlarının qadınlardan ibarət Finlandiya və Kanada yığmaları arasında keçirilməli olan açılış oyunu təxirə salınıb.

Buna səbəb Finlandiya millisində bağırsaq virusunun yayılması olub. 

İlk mərhələnin qarşılaşması fevralın 12-nə keçirilib.

Qərar Finlandiya yığmasının cəmi 8 meydan oyunçusu və 2 qapıçı ilə məşq edə bilməsindən sonra qəbul edilib. Daha 13 hokkeyçi karantində və ya izolyasiyada saxlanılır.

Dünyada kəskin qastroenteritlərin əsas səbəblərindən biri sayılan norovirusun əlamətləri adətən 12-48 saat ərzində özünü göstərir. Xəstəlik ürəkbulanma, qusma, sulu ishal, qarın ağrıları, halsızlıq və yüngül qızdırma ilə müşayiət olunur. Əksər hallarda xəstəlik 1-3 gün davam edir. 

Qış Olimpiya Oyunlarının təşkilatçıları komandanın vəziyyətini nəzarətdə saxladıqlarını və idmançıların sağlamlığının yarış təqvimindən üstün tutulduğunu vurğulayıblar.