Dekabrın 9-da Milli Olimpiya Komitəsinin (MOK) təşəbbüsü və məğrur tərəfdaşı “Go Sport” şirkətinin dəstəyi ilə növbəti interaktiv tədbir keçirilib. 

Olympic.az xəbər verir ki, idmansevərlərin böyük marağına səbəb olan növbəti tədbir taekvondo idman növünün təbliği və gənclər arasında sağlam həyat tərzinin təşviqi məqsədilə təşkil olunub.

Tədbirdə Milli Olimpiya Komitəsinin marketinq şöbəsinin müdiri Səkinə Vəliyeva, gənclərdən ibarət yığma komandanın məşqçiləri dünya və Avropa mükafatçısı, V İslam Həmrəyliyi Oyunlarının qalibi Fəridə Əzizova və Bakıda keçirilən I Avropa Oyunlarının və IV İslam Həmrəyliyi Oyunlarının qalibi, Dünya Kubokunun sahibi Ayxan Tağızadə, taekvondo üzrə millinin üzvü, VI İslam Həmrəyliyi Oyunlarının gümüş medalçısı, böyüklar arasında Avropa çempionatının bürünc mükafatçısı Minayə Əkbərova, "Go Sport"un təlim meneceri İqram Hacımuradov, OCEP layihəsinin koordinatoru Namiq Cəfərov və MOK-un əməkdaşları iştirak ediblər.

Onlar gənclərlə görüşərək öz təcrübələrini bölüşüb, ustad dərsləri keçib və peşəkar məsləhətlərini veriblər.

Tədbir zamanı taekvondonun asas prinsipləri, zərbə texnikaları, doğru geyim seçimi va bərpa texnikaları barədə faydalı məlumatlar verilib.

Tədbirdə həmçinin, taekvondo mövzusunda viktorina təşkil olunub. Viktorinada fəallığı ilə seçilən iştirakçılar dəyərli hədiyyələrlə mükafatlandırılıblar.