Nuray Əbilova “Medal qazanacağımı gözləyirdim”

08 noyabr 2025 - 16:40 659

"Medal qazanacağımı gözləyirdim. Bir az çətin oldu, amma mən bunu bacardım".

Olympic.az xəbər verir ki, bu sözləri Səudiyyə Ərəbistanının paytaxtı Ər-Riyadda keçirilən VI İslam Həmrəyliyi Oyunlarında 3 bürünc medal qazanan Azərbaycan ağırlıqqaldıranı Nuray Əbilova (48 kq) müsahibəsində deyib.

Federasiya rəhbərliyinə təşəkkürünü bildirən idmançımız gələcək kariyerasında dünya, Avropa və Olimpiya çempionu olmaq istədiyini bildirib: “Başda anama mənə göstərdiyi böyük dəstəyə görə minnnətdarlığmı bildirirəm. Yarış çox yaxşı keçdi. İnanıram ki, bundan da yaxşı nəticələr qazanacağıq”.