30 yanvar - 3 fevral tarixlərində Litvanın paytaxtı Vilnius şəhərində Litva Olimpiya Komitəsinin təşkilatçılığı ilə Olimpiya Dəyərləri və Təhsil Proqramı üzrə beynəlxalq seminar baş tutub. Seminarda avropanın 20 ölkəsindən 20-30 yaş aralığında idman mütəxəssisləri iştirak ediblər və MOK-un əməkdaşı Ceyhun Rəhmanov da Azərbaycanı bu seminarda təmsil edib. Proqramın açılışını LMOK-un Olimpiya Təhsili departamentinin rəhbəri Kasparas Sileikis edib və iştirakçılara uğurlar arzu edib. Bu 5 günlük proqramın əsas məqsədi müxtəlif ölkələrdən olan mütəxəsislər arasında əlaqələri gücləndirmək həmçinin həmin ölkələrdə Olimpiya dəyərlərini məktəblərdə təbliğ etmənin yollarını müzakirə etmək olub.