Paris-2024: Giorgi Meşvildişvili yarımfinalda məğlub olub

09 avqust 2024 946

Azərbaycanın sərbəst güləşçisi Giorgi Meşvildişvili Fransanın paytaxtı Parisdə təşkil olunan Yay Olimpiya Oyunlarında növbəti görüşünə çıxıb.

125 kq çəki dərəcəsində yer alan idmançı yarımfinalda Geno Petriaşvili (Gürcüstan) ilə görüşüb.

Təmsilçimiz bu görüşdə rəqibinə 0:7 hesabı ilə məğlub olub. Giorgi Meşvildişvili sabah bürünc medal uğrunda mübarizə aparacaq. Bürünc medal uğrunda Türkiyəli güləşçi Taha Akgül ilə görüşəcək.

Qeyd edək ki, Parisə 6 idmançı ilə yollanan sərbəst güləş millimizin təmsilçilərindən Əliabbas Rzazadə (57 kq) və Osman Nurmaqomedov (86 kq) Olimpiada ilə vidalaşıb, Hacı Əliyevlə (65 kq) Maqomedxan Maqomedov (97 kq) sabah xalçaya çıxacaq.