Paris-2024 Yay Olimpiya Oyunlarının açılış mərasimi baş tutub

26 iyul 2024 744

Fransanın paytaxtı Parisdə keçirilən Yay Olimpiya Oyunlarının açılış mərasimi baş tutub.

Tədbir ilk dəfə stadiondan kənarda - Sena çayının ətrafında keçirilib.

Mərasimdə 206 komandadan 10,5 min idmançı iştirak edib.

Açılışı təxminən 300 min tamaşaçı izləyib. Bundan başqa tədbir şəhər sakinləri və qonaqlar üçün nəhəng ekranlarda yayımlanıb.

İştirakçılar 116 qayıq vasitəsilə təxminən 6 km məsafəni qət edib Parisin müxtəlif tarixi məkanları və Olimpiya qurğularından yan keçiblər.

Azərbaycan komandası ölkələrin paradında 16-cı sırada yer alıb. Paradda Azərbaycan bayrağını cüdoçu Gültac Məmmədəliyeva və boksçu Məhəmməd Abdullayev daşıyıb.

Azərbaycan millisi Fransada 48 idmançı ilə təmsil olunur. Yığma 15 idman növü üzrə 17 proqramda çıxış edəcək. Paris-2024-ə avqustun 11-də yekun vurulacaq.

Bənzər xəbərlər

Eduard Məmmədov 10-cu dəfə dünya çempionu olub

Birləşmiş Ərəb Əmirliklərinin Əbu-Dabi şəhərində kikboksinqin WAKO versiyası üzrə dünya ... Ətraflı

Azərbaycan idman tarixində ilk: Deflimpiya Oyunlarında gümüş medal

Dünya idman hərəkatının qədim ənənələrindən birinə çevrilən deflimpiya yarışları artıq ... Ətraflı