Xəbərlər

Skopye-2025: Daha bir cüdoçumuz finalın bir addımlığında

23 iyul 2025 - 13:33 230

Azərbaycan cüdoçusu Nuranə Hacızadə Skopye-2025 XVIII Avropa Gənclər Yay Olimpiya Festivalının yarımfinal mərhələsinə vəsiqə qazanıb. 

 

Milli Olimpiya Komitəsinin mətbuat xidməti xəbər verir ki, -48 kq çəki dərəcəsində mübarizə aparan  təmsilçimiz 1/4 finalda moldovalı Qabriela Hertaya qalib gəlib. 
Təmsilçimiz finala vəsiqə uğrunda görüşdə macarıstanlı Viktoriya Kisslə qarşılaşacaq.

 

Qeyd edək ki, daha əvvəl digər cüdoçumuz Zeyd Ələsgərov (-60 kq) da çexiyalı Matey Spiçkaya qalib gələrək adını yarımfinal mərhələsinə yazdırmışdı.