Skopye-2025: Daha iki cüdoçumuz festivala qələbə ilə başladı

23 iyul 2025 - 12:30 469

Skopye-2025 çərçivəsində keçirilən cüdo yarışları davam edir.

Milli Olimpiya Komitəsinin mətbuat xidməti xəbər verir ki, bu gün komandamızın daha iki üzvü - Nuranə Hacızadə (-48 kq) və Aysun Məmmədova (-52 kq) mübarizəyə başlayıb.

Yarışa 1/8 finaldan başlayan Nuranə Hacızadə serbiyalı Mara Rasiçə ipponla qalib gələrək növbəti mərhələyə vəsiqə qazanıb.

Digər cüdoçumuz Aysun Məmmədova isə 1/8 finalda ukraynalı Yelizaveta Yemelyanovanı məğlub edib.

Qeyd edək ki, daha əvvəl, Avropa çempionumuz Zeyd Ələsgərov 1/8 final mərhələsində italiyalı rəqibinə qalib gələrək növbəti mərhələyə vəsiqə qazanmışdı.