Türkiyənin Antalya şəhərində keçirilən kikboksinq üzrə Avropa çempionatında tarix yazılıb
18 noyabr 2022 515
Azərbaycan Kikboksinq Federasiyasının məlumatına görə, ötən ay İtaliyada keçirilmiş gənclər arasında dünya çempionu olmuş Elvin Məmmədov (54 kq) "Low kick" versiyasında böyüklər arasında Avropanın da ən güclüsü olub.
O, 16 yaşında böyüklər arasında Avropa çempionu olan ilk idmançımız kimi tarixə düşüb. Ötən il dünya çempionu olmuş Anar Məmmədov (57 kq) isə finalda Boban Nikoliçə (Serbiya) uduzaraq gümüş medalla kifayətlənib. Hər iki idmançı Əməkdar məşqçi, tanınmış kikboksçumuz Eduard Məmmədovun tələbələridir.
Qeyd edək ki, Avropa çempionatının son günündə “Low kick” versiyasında Nihad Tağızadə (51 kq), Amin Quliyev (60 kq), “Full contact”da Amil Məmmədov (51 kq), Məhəmməd İmanov (57 kq) və K1-də Elvin Qasımov (51 kq) final görüşləri keçirəcəklər.
Bənzər xəbərlər
Avropa çempionatı: ilk yarış günündə 7 cüdoçumuz tatami üzərinə çıxacaq
Bu gün Xorvatiyanın paytaxtı Zaqrebdə cüdo üzrə böyüklər arasında Avropa ... Ətraflı
Akrobatika gimnastikası üzrə ölkə birinciliyi və Bakı çempionatı start götürüb
Akrobatika gimnastikası üzrə 29-cu Azərbaycan birinciliyi və Bakı çempionatı start ... Ətraflı