Ümummilli Lider Heydər Əliyevin 100 illik yubileyinə həsr olunmuş minifutbol turnirinin dörddəbir finalçıları ilə görüş keçirilib
14 aprel 2023 294
Aprelin 14-də Ümummilli Lider Heydər Əliyevin 100 illik yubileyinə həsr olunmuş minifutbol turnirinin dörddəbir finalçıları ilə görüş keçirilib. Gənclər və İdman Nazirliyi İdman şöbəsinin müdiri Elnur Məmmədov turnirin qrup oyunlarının yekunları və finala hazırlıq barədə məlumat verib.
Gənclər və İdman Nazirliyinin təşkilatçılığı, Azərbaycan Futbol Federasiyaları Assosiasiyası və Azərbaycan Minifutbol Federasiyasının dəstəyi ilə ötən il noyabrın 18-dən start götürən turnirdə 52 dövlət qurumu təmsil olunub. İlk dəfə olaraq dövlət qurumlarının iştirakı ilə təşkil edilən bu turnir böyük maraqla qarşılanıb. İlkin mərhələnin qrup oyunlarından sonra 32 komanda mübarizəni “Play-off”da davam etdirib. 16 komandanın iştirakı ilə keçən ikinci qrup mərhələsinin 8 qalibi isə aprelin 15-16-da ¼ finalda yarışacaqlar.
Gərgin mübarizə şəraitində davam edən turnirdə yarımfinal qarşılaşmaları aprelin 30-da keçiriləcək. Qalib və mükafatçılar isə mayın 7-də məlum olacaq. Yekunda ilk 4 yeri tutan komandalara, müxtəlif nominasiyalar üzrə qaliblərə kubok və qiymətli hədiyyələr təqdim ediləcək.
Görüşdə qurumların nümayəndələrinin sualları cavablandırılıb və təklifləri dinlənilib.
Bənzər xəbərlər
Avropa çempionatı: ilk yarış günündə 7 cüdoçumuz tatami üzərinə çıxacaq
Bu gün Xorvatiyanın paytaxtı Zaqrebdə cüdo üzrə böyüklər arasında Avropa ... Ətraflı
Akrobatika gimnastikası üzrə ölkə birinciliyi və Bakı çempionatı start götürüb
Akrobatika gimnastikası üzrə 29-cu Azərbaycan birinciliyi və Bakı çempionatı start ... Ətraflı