İtaliyanın Milan və Cortina d'Ampezzo şəhərlərinin birgə ev sahibliyi etdiyi 2026 Winter Olympics tamaşaçı marağı baxımından Qış Olimpiya Oyunlarının tarixinə yeni rekordla düşüb.

Olympic.az xəbər verir ki, Beynəlxalq Olimpiya Komitəsinin yaydığı məlumata görə, dördilliyin ən mötəbər qış idman yarışı dünyanın müxtəlif ölkələrində ümumilikdə 2,6 milyard tamaşaçı tərəfindən izlənilib. Bu göstərici Qış Olimpiya Oyunlarına qlobal marağın ən yüksək səviyyələrindən biri kimi qiymətləndirilir.

BOK-un keçirdiyi sorğunun nəticələri də yarışların böyük rəğbətlə qarşılandığını göstərib. Respondentlərin 84 faizi Oyunların təşkilindən və ümumi səviyyəsindən razı qaldığını bildirib.

Müqayisə üçün qeyd edək ki, 2022 Winter Olympics ilə bağlı keçirilmiş analoji sorğuda iştirakçıların 74 faizi müsbət rəy vermişdi. Beləliklə, məmnunluq göstəricisi əvvəlki Qış Olimpiya Oyunları ilə müqayisədə 10 faiz artaraq yeni rekord müəyyənləşdirib.