26-30 Oktyabr tarixlərində Türkiyənin Konya şəhərində Yeniyetmə və Gənclərin Dünya çempionatına hazırlıq işləri davam edir.

     Bu məqsədlə Azərbaycan Milli Karate Federasiyasının (AMKF) təlim-məşq bazasında 14-15 yaşlı yeniyetmələr və 16-17 yaşlı gənclər arasında yekun seçim mərhələsi keçirilib. Müxtəlif seçim formatlarından istifadə etməklə ayrı-ayrı yaş qrupları və çəki dərəcələri üzrə fərqlənən karateçillər milli komandanın əsas və əvəzedici heyətində yer alıb. AMKF-in prezidenti Yaşar Bəşirov karateçilərin çıxışlarını izləyib. 

     Avqutsun axırında isə 18-21 yaşadək gənclər arasında analoji seçim mərhələsinin təşkil edilməsi planlaşdırılır. Dünya çempionatı qabağı son hazırlıq işləri yenilənmiş heyətin gücləndirilmiş təlim-məşqləri olacaq.