Azərbaycan cüdoçuları Qran-prinin ilk günündə 3 medal qazanıblar
27 yanvar 2024 241
Azərbaycanın cüdo millisi Portuqaliyanın Odivelaş şəhərində cüdo üzrə Qran-pri turnirinin ilk gününü 3 medalla başa vurub.
60 kiloqram çəki dərəcəsində mübarizə aparan Turan Bayramov bürünc medal uğrunda görüşdə qalib gəlib. 66 kiloqram çəkidə isə Azərbaycanın iki üzvü fəxri kürsüyə qalxıb. Yaşar Nəcəfov finalda Beynəlxalq Cüdo Federasiyasının bayrağı altında çıxış edən Yaqo Abuladzeyə uduzaraq, fəxri kürsünün ikinci pilləsində yer alıb. Kamran Süleymanov isə bürünc mükafatçı olub.
Yığmanın digər üzvləri Balabəy Ağayev (60 kiloqram), Könül Əliyeva (48 kiloqram), Aydan Vəliyeva, Gültac Məmmədəliyeva (hər ikisi 52 kiloqram), Fidan Əlizadə və Açeliya Toprak (hər ikisi 57 kiloqram) turniri medalsız başa vurublar.
Qeyd edək ki, Qran-priyə yanvarın 28-də yekun vurulacaq.
Bənzər xəbərlər
Olimpiya məşəli Yunanıstandan Fransaya yola düşüb
Paris-2024 Yay Olimpiya Oyunlarının məşəli üç yelkənli qədim gəmi ilə ... Ətraflı
Avarçəkənimiz Paris-2024 Yay Olimpiya Oyunlarına lisenziya qazandı
Akademik avarçəkmə üzrə yığma komandamızın üzvü Diana Dımçenko Paris-2024 Yay ... Ətraflı