Azərbaycan Karate Federasiyasının idmançısı Elşanə Rüstəmzadə kyokuşin-kan növündə ilkə imza atıb.

O, böyüklər arasında dünya çempionatında medal qazanan ilk azərbaycanlı qadın karateçi kimi adını tarixə yazdırıb.

Qazaxıstanda keçirilmiş yarışda mübarizə aparan idmançı 50 kiloqram çəki dərəcəsində bürünc mükafata yiyələnib.

Xatırladaq ki, buna qədər yeniyetmələr arasında Nəzrin Hacıyeva mundialın qızıl medalına layiq görülüb. Milli komandanın digər üzvü, Dünya Qran-Prisinin gümüş medalçısı olmuş Cəmil Kazımlı isə 65 kiloqramdan yuxarı çəki dərəcəsində 3-cü yeri tutub.