Azərbaycanın badminton üzrə yığması bürünc medal qazanaraq tarixdə ilkə imza atıb
23 iyun 2023 175
"Port of Baku" komandası İspaniyanın Ovyedo şəhərində keçirilən Klublararası Avropa çempionatında bürünc medal qazanaraq tarixdə ilkə imza atıb.
Bu barədə Azərbaycan Badminton Federasiyasından məlumat verilib.
Aqil Qəbilov, Nərmin Hüseynova, Həcər Nuriyeva, Era Maftuha, Məhəmməd Kadafi və Diki Pangestudan ibarət komandamız qrup mərhələsində "Rekriativo" (İspaniya) və "Balozi" (Latviya) klubları ilə qarşılaşıb.
İlk görüşündə İspaniya təmsilçisinə 1:4 hesabı ilə uduzan komandamız ikinci görüşdə Latviya klubuna eyni hesabla (4:1) qalib gələrək Klublararası Avropa çempionatında 1/4 finala yüksəlib. Bu mərhələdə Portuqaliyanın "Lagoense" klubu ilə qarşılaşan "Port of Baku" gərgin və maraqlı keçən 5 setin yekununda 3:2 hesablı qələbə qazanaraq turnirin yarımfinalına yüksəlməklə bürünc medalı təmin edib.
Komandamız debüt mövsümündə finalın bir addımlığında Klublararası Avropa çempionatının qalibi İtaliyanın "Matex Marabadminton" klubuna 0:3 hesabı ilə uduzub.
Bənzər xəbərlər
Olimpiya məşəli Yunanıstandan Fransaya yola düşüb
Paris-2024 Yay Olimpiya Oyunlarının məşəli üç yelkənli qədim gəmi ilə ... Ətraflı
Avarçəkənimiz Paris-2024 Yay Olimpiya Oyunlarına lisenziya qazandı
Akademik avarçəkmə üzrə yığma komandamızın üzvü Diana Dımçenko Paris-2024 Yay ... Ətraflı